Бүгін – Дүниежүзілік шала туған балалар күні.
Бұл күн өмір үшін ерте келген кішкентай жауынгерлерді, олардың ата-аналарын және күн сайын жанкешті еңбек ететін медицина қызметкерлерін қолдау күні.
Біздің мекемеде жыл сайын 200-ге дейін шала туған нәресте дүниеге келеді. Әрқайсысы – өз тарихи бар, жүрегі мықты кішкентай өмір. Олар үшін тыныс алу, тамақтану, салмақ қосу – үлкен күрес. Ал біз үшін – оларды қауіпсіз алып шығу, өмірге бейімдеу басты мақсат.
Шала туған сәбилердің өмірі – медицинадағы ең нәзік әрі жауапты жол. Осы жолда дәрігерлер мен медбикелердің кәсібилігі, мейірімі және үлкен жауапкершілігі шешуші рөл атқарады.
Бүгін біз барлық ата-аналарды, барлық дәрігерлер мен медбикелерді, ең бастысы – осы кішкентай батырларды құттықтаймыз.
Олардың әр күнімізді үмітке толтырып, өмірдің құндылығын еске салатыны үшін алғыс айтамыз.
Шала туған әрбір сәби – үлкен ерлік.
Әрбір аман қалған өмір – ортақ жеңіс.
